Əsgər anası: Balamın yasını verməyə imkanım yoxdu

Ordudan təxris olunmasına 3 ay qalmış əsgər Turan Kərimovun meyiti ailəsinə təhvil verilib. İyunun 29-da cənazəsi gətirilən Kərimovu əsgər yoldaşının öldürdüyü iddia edilir. Elə həmin gün əsgərin yaxınları və qonşuları 8-ci km bazarının arxasındakı yolu bağlamışdılar. İyunun 29-da səhər saatlarında Məlahət Kərimova oğlu Turan Kərimovun hərbi xidmətdə yaralandığı xəbərini alır. 19 yaşlı oğlunun meyiti qapısına gələndə anası onun ölümündən xəbərsiz idi.

"Mənim balam səhər-səhər ölüb, necə ölüb, onu bilmirəm. Bircə onu bilsəm, ürəyim rahatlayar, amma bilmirəm”.

Məlahət Kərimova deyir ki, indi onun tək istəyi oğluna şəhidlik statusunun verilməsidir.

Hadisə ilə bağlı Müdafiə Nazirliyi heç bir açıqlama yaymayıb. 2018-ci ilin birinci yarısında Azərbaycanın müdafiə və təhlükəsizlik sektorunun itkiləri 15 nəfər olub. Bu barədə Xəzər Hərbi Tədqiqatlar İnstitutu məlumat yayıb.Azərbaycan Silahlı Qüvvələrinin 3 hərbçisi döyüş şəraitində, 12 hərbi qulluqçusu qeyri-döyüş şəraitində həlak olub.

x

YAZARIN DİGƏR YAZILARI